PARA SEGUIR COÑECENDO MÁIS AS ÁRBORES CELTAS

Aquí vos deixamos algún enlace para que poidades coñecer as características das árbores celtas e aprender a coidalas.





ABELEIRA  ( CORYLLUS AVELLANUS)

ABETO   ( ABIES ALBA)

ÁLAMO ( POPULUS ALBA)

AMIEIRO  ( ALNUS GLUTINOSA)

BIDUEIRO  (BETULA ALBA)

CARBALLO  ( QUERCUS ROBUS)

CASTIÑEIRO  (CASTANEA SATIVA)

CEDRO  (CEDRUS)

CIPRÉS   (CUPRESSUS SEMPERVIRENS)

FAIA    (FAGUS SILVATICA)

FIGUEIRA  ( FICUS CARICA)

FREIXO  ( FRAXINUS EXCELSIOR)

MACEIRA  ( MALUS DOMESTICA)

NOGUEIRA   ( IUGLANS REGIA)

OLIVEIRA  ( OLEA EUROPAEA)

OLMO  ( ULMUS)

PIÑEIRO   ( PINUS PINASTER)

PRADAIRO   ( ACER PSEUDOPLATANUS)

SALGUEIRO   (SALIX BABILONICA)

SORBEIRA   ( SORBUS DOMESTICA)

TILEIRO    ( TILIA PLATYPHYLLA)

Plantamos a faia por quinta vez

Aínda que a maioría das nosas árbores sobreviviron a primeira vez que as plantamos, houbo algunhas que non o fixeron, entre elas a faia. O caso desta árbore é incrible, xa que non foron dúas as veces que a plantamos, senón cinco! Hoxe aproveitamos que non ía moito frío, nin chovía, para plantar a que esperamos sexa a derradeira faia.
Decidimos que a árbore fora plantada por tres mans inexpertas: Elena, Cintia e Laura. Estas mulleres, aínda que se entregaron moito á tarefa, non sabían nin como coller un sacho, pero sentíronse arroupadas por tod@s o@s argalleiro@s das letras, que con moito gusto lles ensinamos como tiñan que facer. Esperamos e desexamos que teñan a sorte do principiante e que a faia medre axiña!
Aquí vos deixamos unhas fotos da plantación.

Vicente e Xoel axudando a retirar a faia do testo

Juan botando un pouco de terra no furado que xa tiñamos feito hai días

Vicente buscándolle a mellor colocación á faia

Elena e Cintia plantando a súa primeira árbore

Laura arroupando a faia

FAIA PLANTADA.

Somos @s argalleir@s das letras que cavamos e fixemos o furado para plantar, por quinta vez, a faia. Estabamos ilusionad@s en que foramos nós @s elixid@s para este fin, pero vemos que se nos adiantaron.
Que content@s estamos sabendo que a tod@s @s argalleir@s nos move o cariño pola natureza! MOITOS ANOS PARA A NOSA " QUINTA" FAIA!
Aí van as fotos do noso traballo.

Movendo a terra na que estaba a "cuarta" faia.

Facendo o furado máis grande

Vedes como traballamos. Grazas Suso pola axuda.

ABETO

ABETO         ABIES ALBA

2-11 xaneiro /   5-14 xullo

O noso abeto está dedicado a CELSO EMILILIO FERREIRO.

Daniel puxo a música e Xan a voz ao poema 

"O teito é de pedra" da obra Longa noite de pedra. 

MACEIRA

 MACEIRA 
MALUS DOMESTICA

23 decembro- 1 xaneiro / 25 xuño- 4 xullo

FRAN ALONSO
é o autor ao que lle dedicamos a nosa maceira. 

Elvira e Sofía puxeron a música e Álvaro a voz ao poema
"Chove" incluído na obra O meu gato é un poeta. 

ÁLAMO

ÁLAMO

POPULUS ALBA

4- 8 febreiro / 1-14 maio / 5-13 agosto

EDUARDO PONDAL

FAIA

FAIA
FAGUS SILVATICA

22 decembro

A nosa faia está dedicada a

 ÁLVARO CUNQUEIRO.

Deixámosvos co vídeo no que as argalleiras das letras, Elvira e Sofía poñen música e Adela recita o poema: " No niño novo do vento".

CEDRO

CEDRO
CEDRUS

9-18 febreiro  /  14-23 agosto

LOIS PEREIRO 

foi o autor elixido por todos e todas nós para represenar o CEDRO.

Juan púxo voz ao poema " The stuff the dreams are made of" da obra Poemas 1981-1991 e a música
correu a cargo de Xan.

TILEIRO

TILEIRO
TILIA  PLATYPHYLLA

11- 20 marzo   /   13-22 setembro

MANUEL CURROS ENRÍQUEZ 

foi o autor elixido para representar o tileiro.

Elvira e Sofía puxeron a música e Alba Requeijo a voz ao poema "¡Ai!" incluído en Aires da miña terra.

CIPRÉS

CIPRÉS
CUPRESSUS SEMPERVIRENS

25 xaneiro- 3 febreiro / 26 xullo- 4 agosto

O noso ciprés está dedicado a
A.D. RODRÍGUEZ CASTELAO.

Señor Fuco

¡Pimpinela! ¡Pimpinela! ¡Sabede que se casóu con aquel rapaz que a rondaba - ¡un lacazán! – e que agora os dous durmen e folgan, e fan o pescozo e o ventre gordos á miña conta. ¡Cos meus bens! E polo visto xa venderon o pinal da Bouza e os lameiros do Canabal. ¡Larcháns! ¡Destragadores! Dígovos que hoxe estóu como para facer chatolas cos dentes.[…]

Señor Fuco

Velahí vai… Escoita ti primeiro, Ramonciño, porque vas arder… e non de risa… Como a Xustiza topóu no peto da túa chaqueta un escrito, no que lle pasabas a Micaela una finca das mellores, e todos sabían que xa lle tiñas pasado outras, agora ela di que vivía en pecado mortal contigo.

Don Ramón

¡Eso non é certo!    […]

Boticario

¿E para min non traes novas ningunhas?

Señor Fuco

Tamén hai algo; pero máis levián. A túa Lela casóuse co carabineiro e xa teñen catro fillos.   […]

Señor Fuco

Ningún de vós morreu tan adoecido coma min. Ti, Saturio, adormentácheste con xaropes da túa botica, para morreres sen doores. Ti, Ramón, morreches atordoado polo viño e non te decataches do pasamento. A miña norte foi arrabeada. Morrín como un can da rabia, coma quén olla unha fonte de auga pura e non pode bebela. Eu morrín de sede. ¡Morrín por namorarme de vello!

Alfonso Daniel Rodríguez Castelao, Os vellos non deben de namorarse

Música: Sara - violín- e Xairo -piano-.

Voz: Xan, Daniel e Francisco.

Aquí vos deixamos cun pequeno fragmento de Os vellos non deben de namorarse.

SALGUEIRO

SALGUEIRO SALIX BABILONICA

1-10 marzo  /  3- 12 setembro

O salgueiro está dedicado a 

EDUARDO BLANCO AMOR.

Icía puxo a música e Borja voz a un fragmento da novela A esmorga.

[...]

-

-Si, señor, si; os mesmos. O Juan Fariña e o Eladio Vilarchao, que están aí nos papeis, son o Bocas e o Milhomes polos alcumes, que é como aquí nos coñecemos todos e que non ofenden a ninguén, porque Xan e Aladio poden ser calisquera, pero o Bocas e o Milhomes só poden ser os que son, do mesmo xeito que eu son Cipriano Canedo e me chaman o Cibrán ou o Castizo, como vostede goste, pois o meu pai tiña un castizo para servir porcas, con licencia... Anque tamén me chamen o Tiñica e o Puchapodre, porque de rapaz                                                                               tiven a tiña, que me durou ata mozo, e                                                                                 andaba coa gorra moi apegada...

                                                                          -

                                                                          - Non, señor non; só era para írmonos                                                                                   entendendo, pois xa me vou deprocatando                                                                             que vostede non é de aquí...

                                                                          -

                                                                         [...]

                                                                        Eduardo Blanco Amor, A esmorga

NOGUEIRA

NOGUEIRA
IUGLANS REGIA

21-30 abril  /   24 outubro- 11 novembro

A nogueira decidimos dedicarlla a
MANUEL RIVAS.

O texto elixido foi " A lingua das bolboretas", incluído na obra de relatos Que me queres amor?

A música puxérona as argalleiras Elvira e Sofía e a voz ao texto, Alba Requeijo.

O meu pai contaba como un tormento, como se lle arrincara as amígdalas coa man, a maneira en que o mestre lles arrincaba a gheada da fala para que non dixeran aghua nin ghato nin ghracias. ‘’Todas as mañás tiñamos que dicir a frase Los pájaros de Guadalajara tienen la garganta llena de trigo. ¡Moitos paos levamos por culpa de Ghuadalagara!’’ Se de verdade quería meterme medo, conseguiuno. A noite da véspera non durmín. Encollido na cama, escoitaba o reloxo de parede na sala coa anguria dun condenado. O día chegou cunha claridade de mandil de carniceiro. Non mentiría se lle dixera aos meus pais que estaba enfermo.

Manuel Rivas, ¿Que me queres amor?, “A lingua das bolboretas” 

HELENA VILLAR e XESÚS RÁBADE

O pasado venres contamos cunha visita moi especial de dous escritores galegos: Helena Villar Janeiro e Xesús Rábade Paredes. Cando recibimos a súa mensaxe dicindo que ían vir ao centro, puxémonos moi contentos, xa que o día da inauguración da nosa Alameda Literaria das Árbores Celtas non puideron vir por motivos persoais, pero á vez estabamos que nos tirabamos dos pelos porque non tiñamos nada preparado! Tras darlle algunhas voltiñas, decidimos prepararlles un paseo pola alameda e unha entrevista "rapidiña" para conversar con eles un anaco.
A Helena e a Xesús encantoulles o percorrido pola alameda, e detivéronse nas súas árbores para sacar unha foto con elas e con nós. Mentres paseabamos comentámolles a nosa actual argallada, a antoloxía poética das árbores celtas, e explicámoslles cales eran as árbores que nos estaban dando algún problemiña porque non eramos quen de atopar poemas na nosa literatura que falasen delas. Helena, moi amable, botounos unha man, e díxonos que nalgún libro seu, como A praia dos lagartos, atopariamos algunha árbore, xa que era un tema sobre o que lle gustaba moito escribir.
Pero Helena e Xesús non viñan coas mans baleiras! A cambio do noso paseo, trouxéronnos algúns dos seus libros que incorporaremos a nosa biblioteca (como se xa fose pouco que nos agasallasen coa súa compañía!)

Helena ao lado da súa "abraira" e do seu "olmo".

Cando voltamos á biblioteca, Andrea e Alba (eu) puxémonos coa entrevista, encantadas de escoitar as palabras destas dúas voces poéticas tan importantes. Xunto a elas estaban unha parte dos alumnos de 4º e 1º da ESO. Ademais acudiron Carlota e Celia, argalleiras do outro centro, que non quixeron perder a oportunidade de coñecelos e escoitalos, xa que non o puideran facer o día da inauguración da alameda. Durante a entrevista todos nos decatamos de que eran dúas persoas con moita experiencia na vida, e de que tiñan unha complicidade incrible!
Para rematar, Andrea e eu fixémoslles entrega duns pequenos agasallos: unhas insignias co logo do noso centro. Agradeceron moito o noso detalle, mesmo Xesús xa o levaba no xersei!
Aquí vos deixamos unha foto do paseo pola alameda e da entrevista, así coma do vídeo da nosa parte da entrevista favorita, para que vos poidades facer unha idea do especial que foi este día para nós.

Se queredes escoitar a entrevista completa, pinchade aquí e poderedes gozar das palabras da abraira, Helena, e do olmo, Xesús.

Alba e Andrea coa entrevista.

. 

ARBOLAPP

Hai tempo que descubrimos a ferramenta de arbolapp na web.

Os alumnos e alumnas de 4º da ESO estivemos vendo como funcionaba mediante a aplicación no noso teléfono durante a nosa clase de Lingua Galega. Unha vez que a logramos entender, fixemos unha ruta pola nosa Alameda Literaria das Árbores Celtas, buscando cada unha das nosas árbores nese programa. Descubrimos que todas elas está rexistradas en arbolapp, a excepción do ciprés e o cedro. Gustaríanos que estas dúas fosen introducidas na aplicación, para que así este programa contase coas vinte e unha árbores celtas e nós puidésemos consultar información sobre a nosas queridas árbores.

Atopamos arbolapp un pouco complicado, xa que estivemos un bo anaco tentando descubrir como funcionaba. Aínda así, pareceunos unha ferramenta útil, coa que podemos atopar rapidamente información sobre unha árbore ou descubrir de que árbore se trata no caso de non coñecer o seu nome.

 Grazas a arbolapp cerciorámonos de que todas as árbores da nosa alameda estaban correctamente identificadas, aínda que xa o tiñamos case seguro.

As árbores que non aparecen rexistradas son o ciprés e o cedro. CANTO NOS GUSTARÍA QUE AS ENGADIRAN NA SÚA GUÍA. Ademais, tamén nos gustaría que Arbolapp incorporase o  galego entre as súas linguas, para así poder consultar a información na nosa lingua.
Van unhas imaxes que quitamos co teléfono mentres utilizabamos esta aplicación.

ABELEIRA

ABELEIRA
ABRAIRA
CORYLUS AVELLANA

2- 31 marzo / 24 setembro- 3 outubro

HELENA VILLAR JANEIRO
foi a escritora elixida para a nosa abeleira.

Icía puxo a música e Laura - acompañada de Begoña Martín- a voz ao haiku " A noite é un jazz-band" incluído en Palpebra azul.