DÍA DA INAUGURACIÓN

O día 18 de xuño foi unha data moi especial para toda a comunidade educativa do IES Castro da Uz, en especial para @s Argalleir@s das letras, xa que viamos o noso soño cumprido. Por fin, o noso traballo vía a luz e sería compartido por todos e todas nun día de festa! 

Deixámosvos co vídeo realizado e montado polos nosos compañeiros e compañeiras de 4ºESO, que cursaban informática, do curso 2014/ 2015. Grazas por seguir as nosas recomendacións e soportar as continúas modificacións que pediamos. 

Sentimos non poder compartir con vós os vídeos que recollen por completo a inauguración da Alameda Literaria das árbores celtas, xa que o seu peso é excesivo para incluílos neste blog, pero podedes seguir a montaxe realizada pola TVlocal das Pontes neste enderezo.
Deixámosvos cunhas imaxes dese día que falan por si soas:

Preparando o recibimento.

Mesa con todas as obras que contiñan os textos seleccionados
e presididos polo polo poema composto no Día do libro, que representa o bidueiro. 

Carlota e Alba inciando o acto de inauguración. 

Tucho Calvo participando con Sara na lectura do texto.
Elvira e Sofía coa música. 

Icía (música) e Laura e Begoña Martín lendo o haiku. 

@s nen@s do CEIP Monte Caxado lembrando a Helena Villar.

Xairo, Artur ( música) e Carmen e Francisco Castro lendo o texto elixido.
Ao fondo os presentadores do recital: Carmen e Álvaro. 

Tucho Calvo recibindo a súa árbore de mans de Carmen,
baixo a atenta mirada de José Antonio, director do centro. 

Begoña Martín recibindo a súa árbore
e lembrando os inicios deste proxecto. 

José Antonio entrega a árbore a Francisco Castro. 

Fina recolle a abeleira en nome de Helena Villar Janeiro. 

José Antonio entrega un agasallo a Katia e Carlota,
iniciadoras deste proxecto. 

Un momento do recital poético. 

Pura Galán agradecendo o agasallo
e animándonos a seguir así. 

Carmen entrega "unha árbore especial" a Lara.
Grazas por todo. 

Posando @s que participamos no recital poético musical
grazas ao traballo de todos e todas.

Non queremos desvelar ningún segredo máis, xa que toda a información dese día está recollida en moitas entradas deste blog. 

Animámonos a achegarvos ás árbores e respectalas, porque así protexeranvos en todos os proxecto que iniciedes. 

Ata pronto. 

Os primeiros visitantes da alameda

Antes de inaugurar a nosa Alameda literaria das árbores celtas, recibimos unha visita d@s nos@s amig@s, un grupo de nenos do CPI Monte Caxado das Pontes. Eles e elas tiveron o privilexio de ser os primeiros en dar unha voltiña entre as nosas árbores e introducirse un pouco entre os seus autores.

Os pequenos e pequenas chegaron moi emocionados por ser os nosos primeiros visitantes e moi impacientes por coñecer a súa arbore. Un por un, Andrea e eu ( Alba ) fómoslle contando cal era a súa árbore e unha vez rematamos, comezamos o noso paseo. En cada árbore parabamos un pouquiño para explicarlles as características das persoas que naceran baixo esa árbore e contarlles o autor ao que decidiramos dedicarlla. Cando chegamos ao piñeiro (a árbore de Rosalía de Castro), os nen@s cantaron un anaquiño de Adiós ríos, adiós fontes, aínda que se puxeron un pouco nerviosos ao comezar. A Andrea e a min caïanos a baba! Todos os rapaces permanecían moi ilusionados coa visita, mais a súa ilusión multiplicouse cando chegamos á abeleira e viron que era a árbore de Helena Villar Janeiro, amiga súa e da súa mestra.

A visita continuou e os nenos e nenas marcharon cun sorriso na boquiña, prometéndonos que estarían aquí o día da inauguación, como así fixeron.

Andrea e eu cos primeiros visitantes baixo a sombra do castiñeiro

Orgullosos da abeleira dedicada a "súa"  Helena Villar Janeiro

Pirogravados para a identificación

Coas árbores celtas plantadas e crecendo cada día e cada ano máis e máis, grazas aos nosos coidados, comezamos a pensar como iamos facer para identificalas e facilitarlles así a todos os que se achegasen ata elas a información que queriamos que coñecesen. Non foi tarefa fácil, porque nos levou moitos anos. Primeiro pensamos en colocar unha placa de ferro gravada coa información ao pé de cada árbore, pero cando pedimos presuposto, xa se nos foi a idea da cabeza. Había que seguir pensando e decidimos colocar un metacrilato de forma triangular co nome da árbore pegado e chantámolo ao pé. Nin que dicir que non aguantou un inverno.

Fixádevos na parte inferior da árbore. 

Non pensedes que non houbo enfados, porque nada do que decidiamos se podía facer, xa que custaba moitos cartos e non os tiñamos. Algunha solución tería que haber e así foi, e veu da man de Soto - grazas, grazas, grazas-, e de Maika, Chelo, Juan, Raúl e, claro está e como non, de Víctor e Rubén. Que pensades que argallaron? Pois o que fixemos. Compramos táboas para o exterior, cortámolas á medida e xa tiñamos o primeiro paso para a identificación das árbores celtas. Logo pirogravamos os nomes e toda a información que tiñamos pensada para cada árbore. Claro, houbo que comprar bos pirogravadores porque nas primeiras sesións houbo algunha que outra queimadura...  Todo preparado e todo listo para comezar. Non pensedes que foi un traballo fácil e rápido, non. Dende aquí querémosvos dicir que cando algo interesa, sempre hai tempo para facelo, e así o fixemos nós.

Raúl, Maika, Víctor e Juan.

Soto trouxo ás súas máquinas
e con Víctor e Rubén, mans á obra. 

Todo ía segundo o previsto, porque @s argalleir@s somos inconbustibles. Pero como a cabeza non para de pensar xurdiu outra dúbida. Como imos facer a identitificación do panel principal, o que inaugure o paseo pola nosa Alameda Literaria das Árbores celtas? Volta empezar... Non hai diñeiro, toca pensar. Pois xa vedes o que argallamos.

Panel rematado e colocado.

Traballando na aula de lingua galega,
 que logo limpamos perfectamente.

Víctor e Rubén colocando as
identificacións ao pé das árbores.

Agora deixámosvos coa presentación na que podedes ver os pirogravados das árbores celtas ao pé de cada unha delas.

Grazas a todos por facer posible o noso soño da Alameda literaria das árbores celtas.

Os mozos aprendendo dos maiores

Foron e son moitos os traballos e as actividades que realizamos tendo como punto de partida ás árbores celtas, pero, sen dúbida, unha das mellores foi cando visitamos os velliños e velliñas da residencia da terceira idade da nosa vila. Alá fomos para compartir unhas horas con eles e elas e aprender algo das árbores, como facían, os usos que lle daban, se tiñan algúns segredos... pero é mellor deixarvos co artigo da revista escolar Argalladas.
Un día inesquecible para @s argalleir@s das letras. 

Os mozos aprendendo dos maiores from radiorasca

Gustaríache saber como te define a túa árbore celta?

En O libro dos nomes e das árbores non só estudamos e coñecemos a orixe e significado dos nosos nomes e apelidos, xa sabedes que identificamos a árbore celta que nos protexe e que nos guía ao longo da nosa vida. Como xa imaxinades, as árbores saben moi ben a quen coidar, porque coñecen os seus defectos e as súas virtudes. As árbores necesitan luz e cores, de aí que cada un de nós estea identificado con unha, segundo elas. Non sabemos se vos recoñeceredes, unha vez que leades como vos definen, pero o que si vos pedimos é que coidedes a todas as árbores e á natureza, porque o mundo e nós, sen elas, non seriamos nada.

Simboloxía das árbores celtas from radiorasca

COÑECE A TÚA ÁRBORE CELTA

Se tod@s nós coñecemos a árbore celta que nos coida e protexe, cremos que xa vai sendo hora de que coñezades á vosa, porque,  sabendo que nos coida, seguro que continuaredes ou "comezaredes" a coidalas vós tamén.
Esperamos que este traballo vos faga querer as árbores, coidar a paisaxe e preservar a natureza, xa que sen elas nós e vós non poderemos vivir.
Aquí vos deixamos as datas para que coñezades a vosa árbore. Só hai que ter en conta o día e mes no que nacestes:

ABELEIRA :       22- 31 marzo / 24 setembro- 3 outubro

ABETO:             2-11 xaneiro /   5-14 xullo 

ÁLAMO:            4- 8 febreiro /   1-14 maio  / 5-13 agosto

AMIEIRO:          4- 13 xuño  /   2-11 decembro

BIDUEIRA:        24 xuño

CARBALLO       21 marzo

CASTIÑEIRO:   15- 24 maio  /  12- 21 novembro

CEDRO:             9-18 febreiro  /  14-23 agosto

CIPRÉS:            25 xaneiro- 3 febreiro  /   26 xullo- 4 agosto

FAIA:                 22 decembro

FIGUEIRA:        14-23 xuño  /   12-21 decembro

FREIXO:           25 maio- 3 xuño  /  22 novembro- 1 decembro

MACEIRA:        23 decembro- 1 xaneiro   /   25 xuño- 4 xullo

NOGUEIRA       21-30 abril  /   24 outubro- 11 novembro

OLIVEIRA:        23 setembro

OLMO:              12-24 xaneiro   /   15-25 xullo

PIÑEIRO:          19-28 febreiro  /   24 agosto- 2 setembro

PRADAIRO:      11-20 abril  / 14-23 outubro

SALGUEIRO:    1-10 marzo  /  3- 12 setembro

SORBEIRA:       1-10 abril  /  4-13 outubro

TILEIRO:           11- 20 marzo   /   13-22 setembro

( NON SEI SE ESTARÍA BEN ACHEGAR HIPERVÍNCULOS NOS NOMES DAS ÁRBORES PARA QUE ACCEDESEN Á FOTO DE CADA ÁRBORE. CREO QUE, AO MELLOR, RESULTARÍA MÁIS BONITO FACER UNHA ENTRADA na que aparecesen as árbores soas)

ASÍ DIN AS ÁRBORES QUE ES

Unha vez que xa sabes a árbore que te coida, quererás saber como caracterizan os celtas as persoas que nacen baixo a protección desta árbore, non si?

Aí vai o noso traballo. Xa sabes: busca a túa árbore e le a información. MOITA SORTE!, e esperemos que che atine. 

Unha cousiña que nos faltaba. Non pensedes que @s nos@s compañeir@s quedaron aí. Non. Por se era pouco o traballo da onomástica, cultura celta.... identificaron árbore e cor. Si, cada árbore vai asociada a unha cor... Non pensedes que remataron aquí. 

                                                    ABELEIRA       CORYLLUS AVELLANUS

O EXTRAORDINARIO

Son persoas encantadoras, conformistas, comprensivas, seguras, espertas, positivas, comprometidas socialmente, tolerantes, xustas, honestas, temperamentais. Amantes caprichosos, sensuais, sensibles,   e excesivamente apaixonados.

A SÚA COR: MARRÓN.

ABETO      ABIES ALBA

O MISTERIO

Son persoas que aman a beleza, dignas, sofisticadas, temperamentais, testanas, un pouco egoístas pero preocupadas polos seus; modestas e ambiciosas; intelixentes e traballadoras; insatisfeitas no terreo amoroso e con moitos amigos e inimigos. Leais nas relacións persoais.

A SÚA COR: PÚRPURA

ÁLAMO        POPULUS ALBA

A INCERTEZA

Son persoas cun alto sentido da estética que buscan rodearse de ambientes agradables. Non moi seguras de si; valentes só se é preciso. Son selectivas, entusiastas, boas organizadoras e ás veces solitarias. Amantes dos saberes filosóficos e moi comprometidas e serias nas relacións persoais.

A súa cor: GRIS

AMIEIRO        ALNUS GLUTINOSA

O BO GUSTO

Son persoas dunha beleza fresca; preocupadas pola súa aparencia e pola súa condición económica. Altruístas, disciplinadas, racionais, inseguras á hora de tomar decisións e desconfiadas. Buscan na parella  sensibilidade, comprensión, bondade e soñan con amantes inusuais. Son felices nas súas relacións.

A SÚA COR:   Todas as da natureza.... O ARCO DA VELLA

BIDUEIRO    BETULA ALBA

A INSPIRACIÓN

Son persoas con moita vitalidade, atractivas, elegantes, amigables e modestas. Aborrecen o vulgar e gustan da  natureza e da calma –sensación que transmiten ao seu arredor-. Imaxinativas, pouco ambiciosas e apaixonadas.

A súa cor: BRANCA

CARBALLO         QUERCUS ROBUR

A VALENTÍA

Son persoas fortes, valentes, implacables, independentes, sensibles, realistas, racionais, inquietos e non gustan dos cambios.

A SÚA COR:   VERMELLA

CASTIÑEIRO  CASTANEA SATIVA

A HONESTIDADE

De fermosura enigmática.Gusta de pasar inadvertido e quedar ben coa xente, aínda que por veces amose un sentido de superioridade. Xusto, incomprendido, vital, interesado, irritable, sensible pola súa inseguridade.No amor só ama unha vez.

A SÚA COR:  VIOLETA

                                                                                     CEDRO       CEDRUS

A CONFIANZA

Son persoas dunha estraña beleza, abertas, prepotentes, seguras de si, impacientes, con moitos talentos, traballadoras, optimistas, gustan do luxo, do recoñecemento social e saben adaptarse ás situacións. Esperan ao único e  verdadeiro amor.

A SÚA COR: VERDE TURQUESA

                     CIPRÉS        CUPRESSUS SEMPERVIRENS

A FIDELIDADE

Son persoas fortes, adaptables, satisfeitas, conformistas, optimistas, irascibles, indóciles, pedantes, e desinteresadas. Gustan do diñeiro e do recoñecemento social. Odian a soidade. No amor son fieis, apaixonados e sempre insatisfeitos.

A SÚA COR: LARANXA.

FAIA     FAGUS SILVATICA

A CREATIVIDADE

Son persoas con moi bo gusto; preocupadas polas aparencias, materialistas, metódicas, aforradoras, líderes, razoables e non gustan de vivir riscos innecesarios. Son as perfectas compañeiras para a vida.

A SÚA COR:  VERMELLA  ESCURA

FIGUEIRA   FICUS CARICA

A SENSIBILIDADE

Son persoas elegantes, independentes, divertidas, prácticas, intelixentes, volubles, nugallás e amantes do tempo libre. Pacíficas,  tímidas, pero abertas. Amantes dos nenos e dos animais. Sensuais e atractivas para o sexo oposto.

A SÚA COR: AZUL VIOLÁCEA

               FREIXO           FRAXINUS EXCELSIOR

A AMBICIÓN

Son persoas atractivas, vitais, impulsivas, esixentes, seguras de si, ambiciosas, intelixentes, amantes do descoñecido, leais e por veces egoístas. No terreo amoroso son máis racionais que sentimentais e comprométense seriamente nas relacións.

A SÚA COR: BRANCA E NEGRA

MACEIRA        MALUS DOMESTICA

O AMOR

Son persoas carismáticas, atractivas, xenerosas, agradables, despistadas, presumidas, aventureiras, sensibles, de talentos científicos, imaxinativas e que gustan  vivir o día a día. Namoradeiras, luxuriosas, fieis e tenras. Gústalles amar e ser amadas.

A SÚA COR:  VERMELLA

NOGUEIRA     IUGLANS REGIA

A PAIXÓN

Son persoas implacables, estrañas e contraditorias. Egoístas, agresivas, nobres, abertas, espontáneas, ambiciosas, inflexibles. Non sempre agradan pero son admiradas. No amor son parellas difíciles e pouco comúns. Celosas e apaixonadas e non lles gusta comprometerse.

A SÚA COR: AZUL

OLIVEIRA       OLEA EUROPAEA

A SABEDORÍA

Son persoas que gustan do sol, dos sentimentos cálidos e tenros. Razoables, equilibradas, pacíficas e pacifistas. Tolerantes, alegres, tranquilas, xustas, sensibles, comprensibles, amantes da lectura e da compaña de persoas interesantes. No amor non coñecen os celos.

A SÚA COR: AZUL ESCURA

OLMO       ULMUS

MENTALIDADE NOBRE

Son persoas agradables, preocupadas pola súa estética, conformistas, alegres, xenerosas, leais, prácticas. Aprenden dos seus erros. Gústalles mandar, pero non obedecer e tomar decisións polos demais. Nas súas relacións de parella son honestas e fieis.

A SÚA COR:  AMARELA

PIÑEIRO      PINUS PINASTER

O PARTICULAR

Son persoas fortes, activas, francas, idealistas, prácticas, inconstantes nas súas buscas, rancorosas – por veces-   e amantes das boas compañías. Namoradeiras e a súa paixón dura pouco.

A SÚA COR: VIOLETA

PRADAIRO     ACER PSEUDOPLATANUS

MENTE ABERTA

Son persoas  imaxinativas, orixinais e inconformistas. Tímidas e reservadas. Ambiciosas, orgullosas e seguras de si. Nerviosas e de difícil trato. Intelixentes e con boa capacidade memorística. Cunha vida amorosa complicada.

A SÚA COR: ROSA

SALGUEIRO    SALIX BABILONICA

A MELANCOLIA

Son persoas fermosas, melancólicas, atractivas, próximas, viaxeiras, soñadoras, caprichosas e, por veces, mentireiras,  honestas, influenciables, esixentes, intuitivas, amigables e amantes do bo gusto. No amor sofren e buscan o apoio na parella. Difíciles para convivir.

A SÚA COR: AMARELO BRILLANTE

SORBEIRA   SORBUS DOMESTICA

A  SENSIBILIDADE

Son persoas encantadoras, alegres, desinteresadas, incansables,  amantes da vida, das emocións, do bo gusto, e mesmo dos problemas. Son apaixonadas, emocionais (dóciles ou independentes), boas compañeiras e non esquecen.

A SÚA COR: GRIS CLARA

TILEIRO    TILIA  PLATYPHYLLA

A DÚBIDA

Son persoas con grandes contradicións. Odian pelexar, as tensións e o traballo, pero tamén a preguiza e a ociosidade. Con moitos talentos, pero incapaces de explotalos. Son delicadas e saben ceder. Inconformistas. Leais e celosas.

A SÚA COR: VERDE ESCURA

( Non sei se será aquí o mellor  lugar onde podemos engadir hipervínculos en cada árbore – sobre a súa orixe, coidado... en páxinas en galego ou esperar a facelo cando engadamos as fotos).

( AO MELLOR É PREFERIBLE DEIXAR ESTAS ENTRADAS SEN FOTOS E ACHEGAR UNHA NOVA ENTRADA COA IMAXE DE CADA UNHA DELAS QUE LEVE A UN HIPERVÍNCULO SOBRE A INFORMACIÓN CIENTÍFICA DA ÁRBORE EN GALEGO. hai que buscar enlaces de páxinas en galego, pero NUNHA NOVA ENTRADA???

OS INICIOS

Alá polo ano 2000 os nos@s compañeir@s decidiron estudar a orixe e significado dos seus nomes e apelidos, e ese traballo converteuse no elo que nos uniría a todos os alumnos e alumnas do IES Castro da Uz nos cursos seguintes. Para inicialo contaron con Gonzalo Navaza ( poñer un hipervínculo que acceda á información deste autor. Preferible que non sexa wikipedia, é mellor enlazar a súa páxina ou a de AELG...), autor que os informou sobre a etimoloxía dos nomes e apelidos e da toponimia máis próxima.  ( buscar información na revista escolar e na entrevista que Sandra lle fixo ao autor para engadila como testemuña do acto).

 Comezaron un traballo de investigación que levou moito, moito, moito tempo, e, por se fora pouco, decidiron investigar máis. Así relacionaron todo coa natureza, coas árbores que formaban parte da nosa cultura celta, porque dende sempre ao alumnado deste centro moveunos e móvenos o respecto pola nosa paisaxe.

 De todo este traballo saíu á luz a primeira creación dos Argalleiros e argalleiras das letras, a publicación da súa obra: O libro dos nomes e das árbores. 

( Aquí deberiades crear un hipervínculo na portada do libro para que puidesen acceder ao contido)

Imaxinade o traballo que tiveron que facer @s nos@s compañeir@s. Aí está recollida toda a información que serviu para continuar traballando nós. Pero, como estaban comezando, cometeron algún erro á hora de escribir as datas que corresponden a cada árbore. Non vos preocupedes que na seguinte entrada xa vos informamos correctamente. ( Que saibades que o libro leva unha fe de erratas onde se recolle esta información)